BLOG MEINIR – 30-05-2012

Does dim Ffermio nos Lun nesa – ond mae’r ffilmio dal i fynd yn ei flaen ar gyfer ein rhaglen yr wythnos wedyn, sef Mai 14 gan gynnwys y bennod nesaf o ‘Mis Maesteilo’. Fe fyddwch chi’n fy ngweld y tro nesaf mewn dau fart gwahanol. Gwartheg oedd yn mynd dan y morthwyl ym marchnad Aberhonddu a gyda 1200 o wartheg stôr yno roedd y lle dan ei sang. Anifeiliaid tipyn yn llai yr oeddwn ni’n gwerthu y diwrnod wedyn ym marchnad Ffairfach yn Llandeilo sef dofednod. Roedd amrywiaeth yno o bob lliw a llun a rhywbeth at ddant pawb. Bydd rhaid gwylio Ffermio sut oedd y prisiau yno!

Fe fues i draw ym Mhafiliwn Pontrhydfendigaid wythnos diwethaf er mwyn cael bod yn lywydd mewn noson oedd yn cael ei drefnu ar y cyd gan Cynnal y Cardi a CFfI Ceredigion – “Bydda’n glyfar bydda’n garcus”.

Digwyddiad ydoedd er mwyn codi ymwybyddiaeth am Iechyd a Diogelwch ar y fferm ac i rybuddio ffermwyr i fod yn fwy gofalus. Roedd nifer fawr wedi dod ynghyd gan gynnwys Gwilym Williams – dyn â gollodd ei fraich gan siafft PTO. Fe adawodd argraff fawr arnai, ac roedd ei hiwmor a’i argraffiadau ar fywyd yn ysbrydoliaeth.

Roedd fflipcam Ffermio hefyd ym Mhontrydfendigaid ac fe fydd modd cael cipolwg ar y digwyddiad ar ein gwefan ni cyn bo hir.